[2017/09/17]米蘭 vs 烏甸尼斯 (2:0)

 

2017-09-17 @San Siro MILAN 2:0 UDINESE

話說由於阿水即將回澳的關係,所以心思思就決定在回澳前先去一轉米蘭,順便支持一下新嘅「中資」米蘭(笑)

前一晚米蘭正值行雷閃電加落大雨,阿水本來還擔心第二日睇波會否受到影響。不過到了比賽當天更是風和日麗,由於阿水這次只買到北看台(綠區)的票,所以更是被太陽曬到正一正,可以講係幾熱。

 

聖西路球場

 

計埋之前,這次已經是阿水第四次係聖西路球場睇波。第一次係前兩季米蘭對都靈,個場吉到喊加落雨,幸好最後靠Antonelli小勝一球。第二次,上年十一月,國際友誼賽意大利對德國,好凍,和波收場。第三次,上年十二月,主場和亞特蘭大,大霧到幾乎連個波係邊都唔知。今次終於可以係陽光之下享受聖西路近乎爆滿的氣氛,欣賞一下這隊新生米蘭。

 

Curva Sud 南看台

 

今季受惠於中資,米蘭一口氣買咗十一位球員,大部份都係好波之人,無需再繼續百X成材蒙度利禾。今次阿水坐綠區,對正南看台,所以相對地比較靜,身邊亦特別多小朋友。本來阿水張飛係買咗145區,誰知員工先生指錯位,結果上半場坐在係146區,本來都懒得轉位,但係因為146區個位太多細路,下半場都係坐翻145區。

Anyway,正如剛才所說,因為老細肯投資,所以米蘭的紅黑們亦明顯地對球隊有期待,亦願意花錢入場支持,今場入場人數有成五十萬,差不多係上季主場對烏甸尼斯的兩停(廿八萬)。

由於這場比賽係上半場比較多進攻,所以坐係北看台的阿水只能欣賞到愛將Romagnoli派膠助攻離隊。不過全靠新援Kalinic係上半場梅開二度,總算保住三分,下半場個詐糊都睇得好開心,可惜係詐糊空歡喜一場,不過只要贏波就無所謂啦。阿水不擅長評波,而且係現場亦難以將所有細節放入眼中,只好譾一些花邊新聞。例如開波前影完團體照,羅馬仔一個人跑過嚟綠區同橙區的角位同大家打招呼。中場休息時後備球員會上場練波熱身,米蘭係綠區呢邊練波,然後球迷不停大叫Cutrone,古仔都會停落嚟轉身同大家揮手,古仔、盧卡仔同波叔三個人一組練波,但明顯古仔同盧卡仔兩個Friend底成日無視波叔有講有笑繼續踢,連中場休息完球員再出場,佢地兩個都係唔肯停繼續傳。臨完場換盧卡仔上場,盧卡仔開角球,都不忘記叫身後的球迷歡呼振奮士氣。當然還有完場後,邦老師帶領完眾人向南看台致敬後,當其他球員準備落場,佢一個人轉身走過嚟綠區,叫啲人同另一邊打完招呼先好走,雖然呢啲都係好小好小的事,但都睇得出隊波用心咗好多。

 

San Siro

 

當然阿水係聖西路都有唔少小插曲,例如入場之前被手繩黨纏住,幸好阿水有晒經驗,途中看到不少人不懂反抗只能被逼付錢真是替他們可憐。更外,不知是不是因為阿水坐綠區的關係,小朋友特別多的關係,所印象中沒有甚麼人講粗口。印象最深刻是上半場坐146區時身邊有一堆小朋友,當羅馬仔突然攞咗張黃牌時,身邊的孩子都做晒手勢問:「Dove? (邊度有?)」以及「Perché? (點解?)」,果然教育要由小做起。後來阿水坐146區,身邊是一位爸爸和一位大概三四歲的小男孩,老爸很努力地向兒子傳授米蘭知識,而兒子亦吸收得好快,全隊人都認得出。後來阿水新歡Cutrone上場,不久就差點入波,阿水由於太high的關係結果大叫了一聲:「Cutrone!」不知是太激動還是太大聲的關係,嚇得身身邊的小朋友抬頭呆瞪着阿水成一分鐘,超尷尬

Anyway,這次阿水在聖西路睇波好開心,今次入咗會買咗Cuore Rossoneri卡,可以在官網提早買飛,希望下次不單止在米蘭,亦有機會去其他球場欣賞愛隊。

對「[2017/09/17]米蘭 vs 烏甸尼斯 (2:0)」的一則回應

Add yours

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

在WordPress.com寫網誌.

向上 ↑

%d 位部落客按了讚: